Osmani për sulmin në Norvegji: Mendimet dhe lutjet tona janë me viktimat
Dy njerëz janë qëlluar për vdekje dhe 21 të tjerë janë plagosur në disa të shtëna që janë duke u hetuar si akt terrorit në një klub nate dhe në një rrugë të afërt në qendër të kryeqytetit norvegjez, Oslo, ka thënë policia.
Lidhur me këtë rast, Presidentja e Kosovës, Vjosa Osmani ka reaguar në Twitter.
Ajo ka thënë se ky është një sulm i tmerrshëm ndaj lirisë, pavarësisë dhe të drejtave të njeriut.
“Mendimet dhe lutjet tona janë me viktimat, të dashurit e tyre dhe të gjithë ata që janë prekur nga të shtënat vdekjeprurëse në Oslo. Ky është një sulm i tmerrshëm ndaj lirisë, pavarësisë dhe të drejtave të njeriut”, ka thënë Osmani.
Tutje ajo ka shtuar se Kosova qëndron me popullin e Norvegjisë.
Our thoughts and prayers are with the victims, their loved ones and all those affected by the deadly shooting in Oslo. This is an appalling attack on freedom, liberty and human rights.
We stand with the people of Norway.
— Vjosa Osmani (@VjosaOsmaniPRKS) June 25, 2022
Gjatë ditës është raportuar se sulmuesi ka nisur të shtënat me armë zjarri në orët e mesnatës në tri lokacione të ndryshme, përfshirë një bar të homoseksualëve.
I dyshuari është arrestuar dhe dy armët i janë konfiskuar.
Përveç barit të homoseksualëve, të shtënat janë dëgjuar edhe në një klub të muzikës jazz dhe në afërsi të tij.
Parada vjetore e Krenarisë, ishte planifikuar të mbahej të shtunën në Oslo, mirëpo organizimi është anuluar, sipas udhëzimeve të policisë.
Kryeministri i Norvegjisë, Jonas Gahr Stoere, e ka quajtur sulmin “të tmerrshëm dhe shokues ndaj personave të pafajshëm”.
I dyshuari është person i njohur për shërbimet e sigurisë në Norvegji.