Oda e burrave të KQZ-së
Dje në zyrën e presidentit kanë dhënë betimin 10 anëtarët e rinj të KQZ-së.
Në mesin e anëtarëve të rinj, asnjë nga partitë në vend, nuk e ka parë të arsyeshme që të përfaqësohet nga një grua në të këtë institucion.
Pra Komisioni Qendror Zgjedhor përveç kryetares Valdete Daka nuk ka asnjë anëtare grua.
Partia e cila udhëheq me Qeverinë e Kosovës, Lëvizja Vetëvendosje, në KQZ do të përfaqësohet nga Sami Kurteshi e Alim Rama, ndërsa LDK do të përfaqësohet nga Sami Hamiti.
Arianit Elshani nga PDK ndërsa Ibrahim Selmanaj nga AAK.
Nenad Rikalo, ish-ministri në Qeverinë Haradinaj do të përfaqësoj Listën Serbe në KQZ, ndërsa Esheref Vishi koalicionin Nisma-AKR-PD.
Cemailj Kurtishi nga koalicioni VAKAT, ndërsa Rifat Krasnic nga KDTP dhe Artan Aslani nga PAI.
Në përbërjen e kaluar në KQZ ishte vetëm një anëtare grua nga Lëvizja Vetëvendosje, ajo ishte Nazlie Bala.
