Oda e Avokatëve vendos për listën e kandidatëve për delegatë
Pas disa mospajtimesh lidhur me listat e kandidatëve për delegatë në Odën e Avokatëve u vendos që të gjitha listat e dorëzuara të pranohen.
Emrat e të gjithë kandidatëve që kishin shprehur dëshirën për të kandiduar për delegatë u thirrën edhe një herë në sallë me qëllim të marrjes edhe një herë të pëlqimit të tyre.
Kryesia e punës u përkujdes që ta pastrojë listën e emrave të atyre kandidatëve të cilët më parë kanë qenë dy herë të zgjedhur si delegatë pasi u tha se emërimi për më tepër se dy herë nuk është i lejuar me statut të Odës.
Po ashtu, nga lista e kandidatëve për delegatë u larguan edhe emrat e atyre që nuk ishin të pranishëm në sallë.
Pas një pauze të shkurtër pritet që të vazhdohet me votimin për zgjedhjen e 41 delegatëve nga Dega Regjionale e Prishtinës për Kuvendin e Përgjithshëm të Odës.
Gjatë ditës, brenda Kuvendit të Odës pati tensioni lidhur me listat e delegatëve.
Tension brenda mbledhjes së Odës së Avokatëve rreth listës së delegatëve