Policia e kosoves

Foto: Afrim Ejupi / KALLXO.com

Obiliq, raportohen të shtëna me armë drejt një veture në rrugë

Një person ka raportuar në Policinë e Kosovës se derisa ishte duke lëvizur me veturë, dy persona të panjohur kanë shtënë me armë zjarri në drejtim të tij.

Ngjarja raportohet të ketë ndodhur dje në orën 17:00 në Obiliq.

Në vendin e ngjarjes, policia nuk ka gjetur asgjë të dyshuar apo dëmtim të veturës.

Me vendim të prokurorit rasti i cilësuar si “shkaktim i rrezikut të përgjithshëm” ka shkuar në procedurë të rregullt.