Nxënës dhe mësues vriten në një shkollë në qytetin Kazan të Rusisë
11.5.2021 - 12:48
Disa fëmijë dhe një mësues janë vrarë nga të shtënat në një shkollë në qytetin rus, Kazan.
Raportet mbi numrin e vdekjeve po ndryshojnë, por zyrtarët thanë se të paktën shtatë fëmijë kanë vdekur. Shumë të tjerë u plagosën dhe u dërguan në spital, raporton BBC.
Një adoleshent u arrestua pas sulmit në shkollë, që ndodhej rreth 820 km në lindje të Moskës në republikën kryesisht myslimane të Tatarstanit.
Presidenti i Tatarstanit Rustam Minnikhanov e përshkroi sulmin si një “tragjedi”.
Duke iu përgjigjur sulmit, presidenti rus Vladimir Putin tha se ai do të rishikonte ligjet e Rusisë për kontrollin e armëve.