Nuk ka deputetë për ta votuar rezolutën kundër dhunës në familje
11.12.2020 - 16:47
Kuvendi i Kosovës ka ndërprerë punimet, pasi nuk kishte kuorum për të vazhduar me pikat e rendit të ditës.
Gjatë kësaj dite Kuvendi ka diskutuar për luftimin dhe parandalimin e dhunës në familje me rastin e fushatës senzibilizuese në kuadër të 16 ditëve të aktivizimit kundër dhunës në baza gjinore.
Por, në fund të debatit nuk kishte kuorum për t’u votuar 7 pikat e rezolutës pasi ishin vetëm 58 deputetë në sallë.
Deputetja e LDK-së Vlora Hajnuni Limani, ka shtuar edhe dy pika tjera në rezolutën të dala nga debati parlamentar për luftimin dhe parandalimin e dhunës në familje me rastin e fushatës senzibilizuese në kuadër të 16 ditëve të aktivizimit kundër dhunës në baza gjinore.
Pikat e rezolutës:
- Marrja parasysh e gjitha rekomandimeve të kuvendit dhe përfshirja e tyre në ligjin e ri për mbrojtjen nga dhuna në familje dhe dhuna në baza gjinore e cila është në fazën e hartimit.
- Koordinimi më efektiv të mekanizmave institucional shtetëror me organizata të shoqërisë civile dhe fondeve të dedikuara për dhunën në familje.
- Të bëhet plotësim ndryshimi i ligjit për financat e pushtetit lokal dhe themelimi i garantit specifik për shërbime sociale i cili përveç tjerash do të ndihmonte edhe në rehabilitimin dhe ri integrimin e viktimave të dhunës në familje.
- Të bëhet monitorimi dhe raportimi periodik në baza vjetore të ekzekutivit para Kuvendit të Kosovës
- Të aplikohet drejtësi e pa anshme dhe efektive nga institucionet e rendit dhe ligjit për viktimat e luftës në familje.
- Të ketë financim emergjent të strehimoreve për së paku 3 muajt e fillimit të vitit të ardhshëm dhe dhjetorit të këtij viti dhe qendrave ditore ku mund të trajtohen viktimat e dhunës dhe fëmijët e tyre dhe
- Të sigurohet financim i qëndrueshëm për strehimoret të cilat strehojnë viktimat e dhunës dhe fëmijët e tyre.