Nora Gjakova fiton medaljen e bronztë në Portugali

Xhudistja Nora Gjakova ka fituar medaljen e bronztë në Kampionatin Evropian të Xhudos që po mbahet në Lisbonë të Portugalisë.

Xhudistja Gjakova shënoi tri fitore, ndërsa u ndal në gjysmëfinale nga portugezja Monteiro.

Gjatë kësaj gare, ajo arriti të fitojë 350 pikë olimpike.

Lajmi për suksesin e Gjakovës në Portugali është bërë publik edhe nga Ministria e Kulturës, Rinisë dhe Sportit.

“Edhe një medalje tjetër për Republikën e Kosovës në Kampionatin Evropian të Xhudos. Si gjithmonë, Kosova në piedestal të arenave sportive të sportit të xhudos.  Ndjehemi jashtëzakonisht krenarë me arritjet e reprezentacionit. Shumë urime dhe shumë suksese ekipit në ditët në vazhdim!”, thuhet në një postim në faqen zyrtare të MKRS-së në Facebook.