Një veturë aksidentohet në Prishtinë, lëndohen tre persona

Një aksident trafiku ka ndodhur më 14.08.2024, rreth orës 02:00 në rrethin që lidh rrugët “UÇK” dhe “Tirana” në Prishtinë.

Në këtë aksident është përfshirë një automjet.

Rastin për KALLXO.com e ka konfirmuar zëdhënësja e Policisë për rajonin e Prishtinës, Flora Ahmeti.

“Si pasojë e aksidentit janë lënduar tre persona dhe janë shkaktuar dëme materiale” – ka thënë Ahmeti.

Sipas saj, personat e lënduar janë dërguar për trajtim mjekësor.

Me rastin po merret Njësiti i trafikut.