Foto: KALLXO.com
Një pjesë e stacionit policor në Graçanicë përmbytet nga vërshimet
11.1.2021 - 14:47
Bodrumi i stacionit policor në Graçanicë është përmbytur nga reshjet e shiut.
Kjo hapësirë momentalisht është e pashfrytëzueshme ndërsa janë shkaktuar edhe dëme materiale nga reshjet e shiut.
KALLXO.com ka kontaktuar edhe me zëdhënësin e Policisë të rajonit të Prishtinës, Agron Borovci, i cili tha se po punohet për largimin e ujit që është grumbulluar brenda bodrumit brenda stacionit policor në Graçanicë.
“Rreth orës 03:00 pas mesnate ujërat e pakontrolluara të ardhura si rezultat i reshjeve kanë depërtuar në bodrumin e stacionit policor të Graçanicës. Janë shkaktuar dëme materiale si dhe pengesa në shfrytëzimin e asaj hapësirë”, tha Borovci për KALLXO.com.