Një personi në Prishtinë i vidhet vetura sa ishte në furrë të bukës
11.6.2020 - 11:37
Dje një qytetari në Prishtinë i është vidhur vetura e tij, thuhet në raportin 24 orësh të Policisë së Kosovës.
Ai kishte hyrë në një furrë buke për të kryer shërbimet e tij, dhe me të dalë nga aty kishte vërejtur që automjeti i tij nuk ishte në vendin që e kishte parkuar.
Vjedhja është kryer nga disa persona ende të panjohur.
KALLXO.com dje ka raportuar për këtë rast, ku ka siguruar pamjet nga momenti kur ndodhi vjedhja.
Vetura e cila ishte raportuar si e vjedhur është gjetur në komunë e Vitisë afër kufirit me Maqedoninë e Veriut.
