Një person plagoset në Hajvali

Në orët e pasdites së datës 08.11.2024 një person është plagosur pasi ndaj tij është shtënë me armë zjarri.

Policia ka njoftuar për ngjarjen që është regjistruar në Hajvali. Sipas viktimës, një person i dyshuar ka shtënë me armë zjarri në drejtim të tij.

Viktima ka marrë edhe tretman mjekësor në Qendrën Klinike Universitare të Kosovës ndërsa pas informacionit ekipet e policisë kanë dalë në vendin e ngjarjes.

Policia ka marrë urdhër edhe për bastisjen e shtëpisë së të dyshuarit ndërsa gjatë kontrollit, ekipet policore kanë gjetur dhe konfiskuar substancë të dyshuar narkotike.

Në lidhje me këtë rast nuk është raportuar për arrestimin e personit të dyshuar ndërsa për ngjarjen është njoftuar edhe prokurori kujdestar.

Rasti është iniciuar si vrasje në tentativë.