Një person godet me veturë zyrtarin policor i cili ishte duke kaluar rrugën
29.7.2023 - 10:59
Një zyrtar policor i cili ishte duke kaluar rrugën në Skenderaj është goditur nga një veturë në vendkalimin për këmbësorë.
Policia ka njoftuar se i dyshuari nga pakujdesia ka shkaktuar aksidentin ndërsa zyrtari policor ishte këmbësori që po kalonte rrugën.
Si pasojë e aksidentit polici ka marrë lëndime trupore dhe është dërguar në spitalin rajonal në Mitrovicë.
Gjendja e tij sipas mjekësve është stabile. Rasti është iniciuar si aksident trafiku me lëndime.
