Ilustrim
Një këmbësor goditet nga vetura në Prishtinë
31.1.2020 - 22:02
Një person është goditur nga vetura në rrugën “C” në Prishtinë.
Këtë e ka konfirmuar për KALLXO.com, zëdhënësja e Policisë së Kosovës për rajonin e Prishtinës, Flora Ahmeti-Haziraj.
Ahmeti-Haziraj ka thënë se aksidenti ka ndodhur rreth orës 19:00.
Në aksident kanë qenë të përfshirë një këmbësor dhe një veturë.
“Këmbësori ka marrë lëndime dhe është dërguar për tretman mjekësor në QKUK”, ka shtuar Ahmeti-Haziraj për KALLXO.com
Me rastin po merret njësiti i trafikut.