Një infermiere me coronavirus në Klinikën Infektive në QKUK
Ministria e Shëndetësisë ka njoftuar se një infermiere e Klinikës Infektive dje ka rezultuar pozitive me coronavirus duke u bërë kështu rasti i parë i prekur nga stafi shëndetësor i klinikës.
Bëhet fjalë për një infermiere të Klinikës Infektive, e cila ka qenë në kontakt të afërt me pacientët e hospitalizuar në këtë klinikë.
Sipas komunikatës në raportit ditor të Klinikës Infektive të Qendrës Klinike Universitare të Kosovës, në këtë klinikë sot janë duke u trajtuar gjithsej 34 pacientë me Covid-19.
Nga këta 34 pacientë: 26 prej tyre janë në gjendje stabile dhe 8 prej tyre kanë nevojë për oksigjenoterapi.
“Rasti i koleges tonë nuk do të na dekurajoj dhe demotivoj që së bashku me kolegët e tjerë të ofrojmë ndihmën mjekësore për pacientët tonë. Këtë do ta bëjmë në çfarëdo kushtesh dhe rrethanash”, thuhet në njoftimin e Klinikës Infektive.
