Një i plagosur me armë zjarri në Kaçanik
07.3.2021 - 21:03
Një person është plagosur në fshatin Rekë të Kaçanikut.
Sipas Policisë, personi dyshohet se është plagosur me armë zjarri.
Lajmin për KALLXO.com e ka konfirmuar zëdhënësi i Policisë për Rajonin e Ferizajt, Agim Gashi.
Më tej sipas Gashit, Policia është në kërkim të personit të dyshuar për kryerjen e veprës.
“Dyshohet për një plagosje në fshatin Rekë. Dyshohet se me armë të zjarrit. Viktima është duke u dërguar në QKUK. Policia është në kërkim të personit të dyshuar dhe të mbledhjes së informacioneve”, tha Gashi për KALLXO.com.