Aparate të lojërave të fatit | Foto: KALLXO.com
Një i arrestuar për organizim të lojërave të fatit në Fushë Kosovë
29.1.2020 - 12:33
Policia e Kosovës ka arrestuar një person në Fushë Kosovë për organizim të lojërave të fatit.
Dje, me urdhër të gjyqtarit të procedurës paraprake është bastisur një lokal, pronë e të dyshuarit.
Gjatë bastisjes janë gjetur dhe janë konfiskuar: shtëpizë për kompjuter (dy copë), printer për kuponë, fletore për kuponë, fletore për shënime, bllok për shënime, kupona dhe një adapter për printer.
Në raportin e Policisë thuhet se të njëjtat dyshohet se ishin përdorur në veprimtari të kundërligjshme në lojërat e fatit.