Një i vdekur nga COVID-19 brenda 24 orëve në Kosovë

Instituti Kombëtar i Shëndetësisë Publike ka njoftuar se brenda 24 orëve një person ka vdekur nga COVID-19.

Dje nuk është shënuar asnjë rast i vdekjeve nga COVID-19 në nivel vendi, krahasuar me javët më parë numri i rasteve të vdekjeve si pasojë e coronavirusit është dukshëm i ulët.

IKShPK tutje ka njoftuar se në Kosovë sot janë shënuar 62 raste të reja të infektimit me SARS-CoV-2, ndërsa janë shëruar 85 pacientë të tjerë.

Postimi i plotë i IKShPK-së:

85 TË SHËRUAR DHE 62 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 528 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 62 raste pozitive. Brenda 24 orëve është raportuar një rast i vdekjes me SARS CoV-2 pozitiv.

Numri total i rasteve pozitive është 15.270 raste nga 63.638 persona të dyshimtë në virusin SARS-CoV-2 dhe 616 raste të vdekjes.

Gjatë 24 orëve të fundit, janë shëruar 85 pacientë derisa numri i përgjithshëm i të shëruarve deri më sot është gjithsej 12.900 raste, kurse numri i rasteve aktive është 1.754.

Rastet pozitive janë nga: komuna Prishtinë 17 raste, komuna Prizren 14 raste, komuna Gjilan 8 raste, komuna Pejë 8 raste, komuna Vushtrri 6 raste, komuna Drenas 2 raste, komuna Suharekë 2 raste, komuna Viti 2 raste dhe me nga një rast komunat Fushë Kosovë, Junik dhe Malishevë.

Mbuloni gojën dhe hundën me maskë!

Mbani higjienën!

Respektoni distancën!