Nisma Socialdemokrate hap fushatën zgjedhore
03.2.2021 - 21:27
Kryetari i Nismës Socialdemokrate, Fatmir Limaj, ka hapur fushatën zgjedhore të partisë së tij.
Në fjalimin e tij, Limaj ka folur për luftën e fundit dhe për lirinë e Kosovës.
“Kur juve ju mban dikush ligjërata se si duhet atdheu, ju i keni aty njerëzit që me veprat e tyre kanë treguar se sa janë të gatshëm”, ka thënë Limaj.
Tutje Limaj ka thënë se themelet e Kosovës janë dëshmorët e saj.
“Askush nuk mund t’i harrojë, as nuk mund t’i anashkalojë, as të zbehë veprën e tyre”, është shprehur ai.
Fushata zgjedhore ka filluar sot ndërsa zgjedhjet në Kosovë do të mbahen më 14 shkurt.