Ndërtesa e Telekomit të Kosovës Foto: KALLXO.com
Nisin hetimet pas një incidenti të dyshuar në mbledhjen e bordit të Telekomit
26.4.2020 - 15:08
Prokuroria e Prishtinës ka njoftuar se ka pranuar një informatë nga Policia e Kosovës nëpërmjet një e-mail – shënim zyrtar nga Ministra Rozeta Hajdari.
Ky e-mail – shënim ka lidhje me një incident që ka ndodhur më 24 prill, në Telekomin e Kosovës, gjatë një mbledhjeje të bordit të Telekomit.
Prokuroria ka njoftuar se pas analizimit të këtij rasti kanë autorizuar Policinë e Kosovës për ndërmarrjen e të gjitha veprimeve të nevojshme hetimore lidhur me sqarimin e rastit në fjalë.
Ndërsa pak para se të fillonte mbledhja e bordit, kryeshefi ekzekutiv tashmë i shkarkuar Bedri Istrefi në një konferencë për media kishte bërë thirrje bordit të mos e dëgjojë kryeministrin në detyrë, Albin Kurti, i cili, sipas tij, “e shkel Kushtetutën çdo ditë”.