Ngritët në detyrë ish-kandidati i LVV-së për deputet, bëhet kryesues i Bordit të AKP-së

Ish kandidati i Lëvizjes Vetëvendosje për deputet Mentor Hyseni  që para gati dy vitesh ishte emëruar në pozitën e anëtarit të Bordit të AKP-së është ngritur sot në detyrë më vendim qeveritar.

Mentor Hyseni nga sot do të jetë në krye të Bordit të Agjencisë Kosovare të Privatizimit.

Mentor Hyseni ka qenë kandidat i Lëvizjes Vetëvendosje për deputet në zgjedhjet e vitit 2019, por nuk kishte marrë votat e mjaftueshme për t’u bërë deputet.

Përveç emërimit të Mentor Hysenit në krye të Bordit të AKP-së, qeveria ka marrë vendim që ta emëroj edhe Gent Nushin në pozitën e anëtarit.

Deri tek kjo lëvizja ka ardhë pasi që ish-kryesuesi i Bordit të Drejtorëve, Nazmi Mikullovci ka vdekur në mars të këtij vit.

“Para tre muajve e kemi humbur ish-kryesuesin, Nazmi Mikollovcin, shpreh mirë njohjen e thellë për angazhimin, andaj sot i propozohet Kuvendit emërimi i anëtarit aktual Mentor Hyseni. Ndërkaq për anëtar të Bordit propozohet Gent Nushi” – tha kryeministri Kurti.

Mentor Hyseni në vitin 2021 është propozuar nga Qeveria e Albin Kurtit për anëtar të bordit të Agjencisë Kosovare të Privatizimit (AKP).

Ndërsa, gjatë Qeverisë Kurti I, ai ishte emëruar përkohësisht në krye të bordit të Ujësjellësit “Prishtina”.

Ish-kandidati i LVV-së për deputet propozohet nga Qeveria Kurti për bord të AKP-së