Ngritet aktakuzë ndaj ish kryetarit të Leposaviqit dhe 14 personave tjerë
13.9.2021 - 13:38
Prokuroria Speciale ka ngritur aktakuzë kundër 15 persona nën dyshimin për krim të organizuar dhe keqpërdorim të pozitës zyrtare.
Sipas njoftimit, në mesin e tyre është edhe ish-kryetari i Komunës së Leposaviqit, si dhe nëntë zyrtarë të tjerë të komunës së njëjtë.
Ndërsa, pesë të pandehurit të tjerë janë pronarë të bizneseve private të angazhuar në projektet e komunës.
Të akuzuarit janë personat me inicialet D.J., H.B., A.A., Xh.F., H.H., M.H., A.K., Ç.T., M.R., M.I., B.B., N.M., I.K., J.B. dhe B.M.