Nga sot lejohet hapja e galerive të artit
Nga dita e sotme do të lejohet hapja e galeritë e artit në mbarë vendin, më shumës së dy muaj pas mbylljes për shkak të coronavirusit.
Kjo hapje, galerive do t’ju mundësojë edhe kthimin e vizitorëve për të parë ekspozita, por, galeritë do të jenë të detyruar të respektojnë udhëzimet e Ministrisë së Shëndetësisë.
Galeria Kombëtare do të jetë e hapur nga dita e nesërme për vizitorët dhe por do të marrë masa për shkak të COVID-19.
“Për vizitorë GKK-ja hapet nesër pasi të hënave nuk punon salla. Ndërsa gjatë vizitave nuk do të lejohen më shumë se 2-3 veta në sallë”, ka thënë drejtoresha e GKK-së, Arta Agani për Kallxo.com.
Ndërsa në dispozicion të vizitorëve do të jenë dy ekspozitat e ndërprera, ekspozita “heshtje e rende” të Burim Gashi në sallën Salla 1 dhe ekspozitën e fotografive të shpërblyera të “Worldpress” në sallën 2.
Nga sot do të hapet edhe Galeria e Ministrisë së Kulturës në Kompleksin “Qafa”.
“Po, Galeria është e hapur për vizitorë. Masat që do t’i ndërmarrim janë ato të cilat përcaktohen nga Ministria e Shëndetësisë ka thënë për Kallxo.com, Dhurata Ramosaj, menaxhere e kësaj galerie.
Ajo ka thënë se aktualisht në këtë galeri është e hapur ekspozita e Argenita Fetahut.
Në fazën e dytë të masave lehtësuese nga Qeveria, përveç galerive do të hapen edhe muzetë, ndërsa nga 1 qershori edhe teatrot dhe kinematë.