Kryeministri i Izraelit, Benjamin Netanyahu - Foto: REL/Reuters
Netanyahu tërheq kërkesën për imunitet nga ndjekja penale
Kryeministri i Izraelit, Benjamin Netanyahu, ka thënë se do të tërheqë kërkesën e tij për imunitet parlamentar nga ndjekja penale në tre raste të korrupsionit, duke i hapur kështu rrugën gjykimit, raporton Aljazeera.
Kryeministri lëshoi një deklaratë në Facebook të martën duke thënë se procedurat e imunitetit në parlament do të kishin qenë një “cirk” dhe se nuk dëshiron të marrë pjesë në një “lojë të ndyrë”.
“Unë e njoftova zëdhënësin e Knesset se po tërhiq kërkesën time të imunitetit”, tha Netanyahu.
Parlamenti i Izraelit, Knesset, ishte vendosur të mblidhej për të diskutuar formimin e një komiteti për të debatuar kërkesën e kryeministrit për imunitet nga ndjekja penale.
Tërheqja e tij hap rrugën që procedurat ligjore kundër tij të shkojnë përpara.
Netanyahu u akuzua në nëntor me akuzat e ryshfetit, mashtrimit dhe shkeljes së besimit për akuzat se ai i dha favore shtetit në vlerë qindra miliona dollarë për baronët e mediave izraelite në këmbim të dhuratave dhe mbulimit të favorshëm.
Ai mohon çdo akuzë duke thënë se ai është viktimë nga mediat dhe e majta politike që synojnë të heqin një lider të krahut të djathtë popullor.
Netanyahu do t’i kërkojë parlamentit imunitet nga ndjekja penale