Ilustrimi: Trembelat për KALLXO.com

Nesër mbyllet rruga Nacionale N2, Prishtinë-Ferizaj, në fshatin Banullë

 

MI njofton qytetarët se të dielën (11 tetor 2020), në projektin “ Ndërtimi i Rrethrrotullimit në rrugën Nacionale N2, Prishtinë-Ferizaj, në fshatin Banullë do të bëhet asfaltimi i shtresës së tretë.

Për arsye të angazhimit të makinerisë dhe sipërfaqen e madhe të shtrimit me asfalt, si dhe në anën tjetër fluksin e madh të qarkullimit të automjeteve në këtë rrugë, për masa sigurie në punishte dhe që mos të vie deri te pengesat në ekzekutimin e punimeve dhe duke mbrojtur standardet dhe kualitetin e punimeve, do të bëhet ndërprerja e qarkullimit në udhëkryqin e rrugës Lipjan-Janjevë dhe në drejtimin  Prishtinë – Babush, nga fshati Livadhet deri ne Banullë.

Për shkak të zhvillimit të këtyre punimeve, kjo pjesë e kësaj magjistrale do të jetë e mbyllur nga ora 7:00 deri në ora 19:00.

Ministria e Infrastrukturës, kërkon nga qytetarët mirëkuptim si dhe gjatë kësaj periudhe të shfrytëzojnë për qarkullim rrugët e tjera afër këtij lokaliteti.