Nëntë të lënduar në një aksident në rrugën Prishtinë - Fushë Kosovë

Nëntë persona janë lënduar në një aksident komunikacioni që ka ndodhur në magjistralen Prishtinë-Fushë Kosovë.

Zëdhënësi i policisë së Kosovës për rajonin e Prishtinës, Agron Borovci, tha për KALLXO.com se të lënduarit janë dërguar në trajtim mjekësor. 

Sipas Borovcit në aksident janë përfshirë dy vetura. 

Aksidenti ka ndodhur rreth orës 16:45. 

Njësia rajonale e trafikut sipas Borovcit ka dalë në vendin e ngjarjes dhe ka nisur një hetim lidhur me rrethanat e këtij aksidenti.