Nën kërcënimin e armës, grabitet një pompë e derivateve në Podujevë

Një pompë derivatesh dyshohet se është grabitur në orët e para të ditës së djeshme në Podujevë, më saktë rreth orës 01:23.

Sipas Policisë së Kosovës, ankuesi ka raportuar se deri sa ishte në vendin e punës në pompën e derivateve, një person i maskuar me armë zjarri kishte shtënë një herë në drejtim të lokalit.

Pas këtij veprimi, në raportin policor thuhet se i dyshuari më pas nën kërcënimin e armës i kishte grabitur rreth 400 euro.

Ai dyshohet se më pas kishte ikur në drejtim të panjohur, përderisa Policia tregon se në vendin e ngjarjes është gjetur dhe konfiskuar një gëzhojë e se rasti është në procedurë hetimore.