Në prag të 28 Nëntorit, Ministri i Mbrojtjes viziton disa familje të dëshmorëve në Tropojë
26.11.2022 - 22:35
Në nderë të festave të nëntorit, Ministri i Mbrojtjes së Kosovës, Armend Mehaj ka vizituar disa familje të dëshmorëve të vendit.
Mehaj, vizitat e tij i bëri në katër familje të dëshmorëve të rënë. Ai e filloi me familjen e dëshmorit Bylbyl Breçani, në Markaj të Tropojës, derisa më pas vazhdoi vizitat e tij në Shipshan të Tropojës, ku u takua me familjen e dëshmorit, Husen Mulla.
Pas Shipshanit, Mehaj i bëri vizitë edhe familjes së komandat, Tahir Sinani në Gri të Tropojës.
Ndërsa mbrëmjen e mbylli në konakun e familjes së dëshmorëve Adem dhe Xhevahir Selmani nga Tropoja.