Në Kroaci po mbahen zgjedhjet lokale

Më shumë se 38.000 kandidatë do të garojnë sot për rundin e parë të zgjedhjeve lokale në Kroaci, ku 3,66 milionë votues do të kenë të drejtën e votës në mbi 6.500 qendra votimi, që është rreth 60.000 votues më pak se në zgjedhjet e vitit 2017.

Rreth 13,7 milionë fletëvotime janë shtypur për zgjedhjet e ardhshme lokale.

Krerët ekzekutivë lokalë do të zgjedhen me shumicë votash dhe nëse duan të zgjidhen në rundin e parë, ata duhet të marrin më shumë se 50 për qind të votave të hedhura.

Nëse askush nga kandidatët nuk ka sukses, brenda dy javësh, më 30 maj, do të mbahet rundi i dytë i zgjedhjeve, në të cilin do të hyjnë dy kandidatët me numrin më të madh të votave, kurse kandidati që fiton numrin në rundin e dytë shpallet fitues.

Në Split dhe Rijekë do të garojnë 11 kandidatë për kryebashkiak, kurse në Zagreb dhjetë kandidatë.

Në listat për asambletë e rretheve janë regjistruar 7.104 kandidatë, duke përfshirë Qytetin e Zagrebit, i cili ka statusin e qarkut, dhe 28.860 në listat për këshillat e qytetit dhe bashkive.

Ka 225 kandidatë për prefektët dhe zëvendësit e tyre, ndërkaq, ky numër përfshin gjithashtu kandidatë për kryetarin e bashkisë së Zagrebit dhe zëvendësit e tij.

Për kryebashkiakë dhe kryetarë komunash kanë kandiduar 1.901 persona.

Në qytetet e Splitit dhe Rijekës, 11 kandidatë do të garojnë për kryetarë bashkie, në Osijek janë shtatë dhe në Zagreb dhjetë kandidatë.

Heshtja zgjedhore ka filluar në mesnatën e së premtes dhe do të përfundojë sot në orën 19, kur edhe do të  mbyllen qendrat e votimit.

Sot në Kroaci do të hapen 6.572 qendra votimi dhe do jenë dhjetë anëtarë të komisionit në secilin vendvotim.

Rezultatet do të publikohen nga Komisioni Shtetëror i Zgjedhjeve sonte nga ora 21:00, kurse gjendja do të azhurnohet çdo 15 minuta./21Media