Në Gërqinë të Gjakovës digjet autobusi që po transportonte nxënës, nuk ka të lënduar

Një autobus, i cili po transportonte nxënës, është përfshirë nga flaka.

Ngjarja ka ndodhur sot, më 04.09.2024, rreth orës 13:00 në fshatin Gërqinë të Gjakovës.

Brigada e Zjarrfikësve të Gjakovës ka fikur flakët, ndërkohë që autobusi është bërë shkrumb.

“Fatmirësisht të gjithë udhëtarët kanë arritur të dalin pa u përhapur zjarri dhe kanë shpëtuar pa lëndime”- kanë thënë nga Brigada e Zjarrfikësve të Gjakovës për KALLXO.com.

Tutje ata potencojnë se ekipet e zjarrëfikësve kanë intervenuar për lokalizimin dhe shuarjen e zjarrit.

Në vendin e ngjarjes kanë dalë edhe njësitë e Policisë.