Në dy javët e para, asnjë rast me COVID-19 në shkollat e Gjilanit

Që prej fillimit të gjysmëvjetorit të dytë, asnjë rast i infeksionit me COVID-19 nuk është regjistruar në shkollat e Gjilanit, përfshirë institucionet parashkollore, shkollat fillore e të mesme.

Drejtori i Arsimit, Nazim Gagica, ka bërë thirrje për kujdes të vazhdueshëm, në mënyrë që shkollat të mbesin të hapura dhe të parandalohet mësimi online.

“I lumtur që në shkollat e Gjilanit gjendja është stabile me COVID-19 dhe nuk kemi të shënuar raste që nga fillim i periudhës së dytë mësimore, edhe pse shkollat e mesme të ulëta, procesin mësimor në e zhvillojnë me orar të rregullt dhe të plotë”, ka thënë Gagica.

Gjysmëvjetori i dytë në shkollat e Kosovës ka filluar më 18 janar.