Në dy ditët e ardhshme pritet përmirësim i motit

Instituti Hidrometeorologjik i Kosovës ka njoftuar se gjatë dy ditëve të ardhshme pritet të ketë përmirësim të motit.

Në njoftim thuhet se vranësirat do zëvendësohen me rreze dielli.

“Moti për dy ditë 09-10.10.2020. Pas këtyre reshjeve të shiut moti do të përmirësohet dukshëm. Vranësirat do të ç’vendosen drejt lindjes për t`u zëvendësuar me rreze dielli”, thuhet në njoftim.

Tutje sipas IHK temperaturat minimale gjatë këtyre dy ditëve pritet të jetë mes 6-9 gradë celcius, kurse ajo maksimale nga 18-21 gradë celcius.

“Temperaturat minimale do të lëvizin ndërmjet 6-9 gradë celsius, ndërsa maksimalet e ditës parashihen të lëvizin ndërmjet 18-21 gradë Celsius. Do të fryjë erë e lehtë deri mesatare nga drejtimi i veriperëndimit”, thuhet tutje në njoftim.