Ndihmës Sekretarja Amerikane: Marrëdhëniet e mira mes Kosovës dhe Serbisë janë kërcënim për Rusinë

Ambasada e Shteteve të Bashkuara të Amerikës në Kosovës ka ri-publikuar deklaratën e Ndihmës Sekretarja për Çështjet Evropiane dhe Euroaziatike, Karen Donfried gjatë vizitës dje në Kosovë.

Donfried tha se Kosova dhe Serbia duhet të riangazhohen urgjentisht në dialog duke theksuar se status quo-ja është e paqëndrueshme.

“Status quo-ja është e paqëndrueshme; jo vetëm që pengon të ardhmen evropiane të Kosovës dhe Serbisë, por është në dobi të Kremlinit. Rusia dëshiron të prishë çdo unitet dhe konsolidim demokratik në vendet e Ballkanit Perëndimor, duke siguruar që ju dhe fqinjët tuaj nuk mund dhe nuk mund të integroheni në institucionet evropiane dhe euroatlantike. Ai beson se një rajon ballkanik më i fortë, më i begatë dhe elastik demokratikisht është një kërcënim për ndikimin e tij”, tha ajo.

Donfried shtoi se marrëdhëniet e mira në mes Kosovës e Serbisë janë kërcënim ndaj Rusisë.

“Marrëdhëniet më të mira mes Kosovës dhe Serbisë kërcënojnë aftësinë e Rusisë për të përçarë, për të krijuar frikë dhe për të nxitur kaos. Mënyra më e mirë për të kundërshtuar përpjekjet flagrante të Kremlinit për të destabilizuar rajonin është e thjeshtë: Kosova dhe Serbia duhet të bashkohen dhe të riangazhohen urgjentisht në Dialogun e lehtësuar nga BE-ja, me mbështetjen e fuqishme të SHBA-së”, tha Donfriend.

Ndihmës-sekretarja dje u takua me Presidenten e Kosovës, Vjosa Osmani si dhe kryeministrin Albin Kurti.

Bashkë më të ishte edhe zëvendës-ndihmësin e sekretarit të Shtetit, Gabriel Escobar.

Ndihmës-sekretarja e SHBA: Kosova dhe Serbia në mënyrë urgjente duhet të angazhohen në dialog