Ndalohet vetura e cila dyshohej për kontrabandë me llamarinë dekorative
01.11.2019 - 11:19
Një rast i kontrabandës me mallra është raportuar në raportin 24 orësh të policisë.
Sipas njoftimit, rasti ka ndodhur dje rreth orës 22:00, në fshatin Novosellë, ku policia ka ndaluar një veturë e cila dyshohet se po bënte kontrabandë me mallra.
Pas ndalimit policia ka bërë të ditur se i dyshuari po transportonte llamarinë dekorative dhe ngjyrë pa dokumente përkatëse.
Me vendim të prokurorit, malli është konfiskuar dhe i është dorëzuar doganës, ndërsa rasti shkon në procedurë të rregullt.