Nagavci: Hapet aplikimi online për licensim të mësimdhënësve 

Ministrja e Arsimit, Arbërie Nagavci përmes një video-postimi në llogarinë e saj në facebook, ka njoftuar se nga 30.07.2024 është lansuar aplikimi online për licensimin e mësimdhënësve në Plaformën ekosova.

“Kjo në funksion të krijimit të një sistemi të qëndrueshëm të licensimit dhe në funksion të digjitalizimit të sistemit të arsimit parauniversitar”- thotë Nagavci në njoftimin e saj.

Sipas Nagavcit, aplikimi online përmes kësaj platforme, do të rrisë efikasitetin dhe do të reflektojë në shumë dimensione pozitive.

Ndërkaq llojet e licencave për të cilat mund të aplikohet janë: aplikimi i parë për licencë të karrierës në mësimdhënie, aplikimi për përtrirje të licencës së karrierës në mësimdhënie, aplikimi i parë për licencë të avancuar në mësimdhënie, aplikimi për përtrirje të licencës së avancuar në mësimdhënie dhe aplikimi për licencë të përhershme në mësimdhënie, thuhet në postimin e ministres.