Foto: Urim Krasniqi/KALLXO.com
Mytaher Haskuka: Unë nuk kam besim në sektorin e drejtësisë
Kandidati i i Lëvizjes Vetëvendosje për kryetar të Prizrenit, Mytaher Haskuka është përgjigjur në pyetjet e shkurtra të Jeta Xharrës.
Haskuka ka dhënë përgjigje rreth financimit të fushatës, publikimit të listave të uzurpatorëve, emërimin e drejtorëve e tema të tjera.
Jeta Xharra: Kush po ua financon fushatën?
Mytaher Haskuka: Qytetarët.
Jeta Xharra: A jepni dorëheqje nëse ju ngrisin aktakuzë?
Mytaher Haskuka: Unë nuk kam besim në sektorin e drejtësisë.
Jeta Xharra: A i shkarkoni drejtorët e komunës nëse ju ngritet aktakuzë?
Mytaher Haskuka: I kam shkarku drejtorët.
Jeta Xharra: Kur do t’a publikoni listën e uzurpatorëve të pronave komunale?
Mytaher Haskuka: I kam publikuar.
Jeta Xharra: A do t’a vendosni kriter të plotë që drejtorët e shkollave të jenë apolitik?
Mytaher Haskuka: Po.
Jeta Xharra: A do të nisni procedura disiplinore për zyrtarët e komunës për të cilët raporti i auditorit ka gjetur shkelje?
Mytaher Haskuka: Po.
Jeta Xharra: Cili do jetë vendimi i parë që keni me e marrë si kryetar i komunës?
Mytaher Haskuka: Me i emëru drejtorët.
Jeta Xharra: A vjen në debat nëse i fitoni zgjedhjet?
Mytaher Haskuka: Po.
Kandidatët e partive politike, të cilët synojnë karrigen e të parit të Prizrenit diskutojnë në #DebatPernime për planet e tyre pas zgjedhjeve të 17 tetorit.
Të ftuar në KallxoPernime janë kandidatët për kryetar të komunës së Prizrenit: Afrim Tejeci nga AKR; Anton Quni nga LDK; Milazim Lushaj, kandidat i pavarur; Mytaher Haskuka nga LVV; Shaqir Totaj nga PDK dhe Zafir Berisha nga Nisma Socialdemokrate.
Përballë kandidatëve për kryetar të komunës do të jenë edhe shtatë kandidate për asambliste në Kuvendin Komunal të Prizrenit: Afërdita Morina nga LDK; Afërdita Spahiu nga AKR; Dafina Bllaca nga PDK; Lirije Bytyqi nga Nisma Socialdemokrate; Mimoza Bushrani nga LVV; Ngadhjesa Bresa nga Lista GUXO dhe Shqipe Kastrati nga AAK.
Debati transmetohet në orën 20:30 në RTV Dukagjini dhe drejtpërdrejt në Facebook të KALLXO.com.