Muzeu i Muzikës në Gjakovë në gjendje të rëndë

Në gjendje jo të mirë dhe i mbushur me mbeturina është objekti i Muzeut të Muzikës në Gjakovë.

Mure e dritare të thyera, vegla muzikore të dëmtuara, pluhur e mbeturina përreth, janë pamjet brenda objektit të Muzeut.

Asamblistja e Lëvizjes Vetëvendosje në Gjakovë, Mimoza Shala, ka publikuar disa fotografi të cilat tregojnë gjendjen e rënduar të këtij objekti.

“Me dhimbje ua prezantoj gjendjen e Muzeut të Muzikës në Gjakovë. Ka kohë që është në këtë gjendje. Pianon që e shihni në foto është dhuruar nga akademiku Rauf Dhomi, me të cilën u kompozua opera e parë në Kosovë “Goca e Kaçanikut”- ka shkruar ajo në Facebook.