Foto: Hacebook/ Harry Harri's Moustach

Mustaqet e ambasadorit amerikan ngjallin polemikë në Korenë e Jugut

Polemika mund të duket absurde, por ajo po merret shumë seriozisht në Korenë Jugore.

Ambasadori I Shteteve të Bashkuara në Seul, Harry Harris, është bërë shënjestër e kritikave të ashpra, sidomos në rrjetet sociale.

Arsyeja e këtij zemërimi: mustaqet e tij.

Siç e thotë edhe vetë, sipas asaj që raporton CNN, “mustaqet e mia janë bërë, në njëfarë mënyre, objekt fascinimi për mediat jugkoreane”.

Dhe, prapa kritikave dhe talljeve fshihet në realitet një shqetësim tejet real, i cili ka rrënjët në historinë e vendit.

Sepse, siç shkruan Le Point, për shumë koreanë, mustaqet e Harry Harris përkujtojnë fuqishëm periudhën e pushtimit nga Japonia dhe ambasadori me mustaqet e tij ngjan në udhëheqësit japonezë të kohës së pushtimit nga Japonia të gadishullit korean.

Siç përkujton edhe CNN, perandori Hirohito, i cili sundonte në atë kohë, apo edhe ish-kryeministri japonez Hideki Tojo kishin mustaqe krejtësisht të njëjta me ato të ambasadorit amerikan.

Koha e luftës shkakton kujtime të hidhura te Koreanët, pasi shumë qytetarë të gadishullit kanë qenë viktimë e dhunës nga japonezët.

Disa madje ishin shndërruar në skllevër, e shumë të tjerë janë vrarë nga autoritetet japoneze, raporton Le Point.

Do NOT follow this link or you will be banned from the site!