Mungesa e letrave higjienike dhe mbeturina në fakultetet e Universitetit të Prishtinës

Në disa nga tualete të fakulteteve të Universitetit të Prishtinës “Hasan Prishtina” janë parë sapun, mirëpo në asnjërin nga tualetet nuk janë parë letra higjenike.

KALLXO.com ka vizituar Fakultetin Filologjik, Fakultetin e Shkencave Matematiko Natyrore(FShMN), Fakultetin Filozofik, Fakultetin e Edukimit, Fakultetin e Arteve, Fakultetin Ekonomik dhe Juridik.

Letrat kanë munguar në të gjitha Fakultete e vizituara, por në Fakultetin e Arteve ka munguar edhe sapuni.

Në hyrjen e FShMN-së dhe në hyrje të Fakultetit Filologjik janë parë edhe mbetje  të inventarit të cilat janë lënë  tek dera kryesore dhe në oborr.

Gjithashtu mbetje të inventarit janë parë edhe brenda hapësirave të Fakultetit të Arteve.