Muharremaj: Do do të jenë 50 përqind gra në pozita drejtuese (VIDEO)

Kandidati për kryetar të komunës së Suharekës dhe kryetari aktual, Bali Muharremaj, ka premtuar se gjysma e pozitave drejtuese do të udhëhiqen nga gratë në qeverisjen e tij.

Po ashtu Muharremaj ka thënë se tashmë e ka kryer këtë obligim ligjor.

“Unë e kam kry obligimin tim, e kam nënkryetaren grua, katër janë drejtoresha edhe nëpër shkolla, do të jenë 50/50 gra”, ka premtuar Muharremaj.

Sonte, kandidatët e partive politike, të cilat synojnë karrigen e të parit të Suharekës do të diskutojnë në #DebatPernime për planet e tyre pas zgjedhjeve të 17 tetorit.

Kandidatët për kryetar të komunës së Suharekës do të ballafaqohen me pyetje nga qytetarët e kësaj komune.

Pjesë e këtij debati do të jenë: Ardian Shala nga Lidhja Demokratike e Kosovës, Bali Muharremaj nga Aleanca për Ardhmërinë e Kosovës, Murtez Zekolli nga Partia Demokratike e Kosovës dhe Salih Zyba nga Lëvizja Vetëvendosje.

Përballë kandidatëve për kryetar të komunës do të jenë: Antoneta Berisha NISMA, Bulëza Kuçi LDK, Mihrije Suka AAK, Mimoza Bajraktari AAK, Pranvera Berisha Lista GUXO, Shqipe Ramaj LDK, Valmira Kryeziu VV.

Debati transmetohet në orën 20:30 në RTV Dukagjini dhe drejtpërdrejt në Facebook të KALLXO.com.