MPB hap tender për blerjen patentë shoferëve ndërkombëtar

Ministria e Punëve të Brendshme (MPB), javën e kaluar hapi tender për t`u furnizuar me patentë shoferë ndërkombëtar bllanko.

Për të realizuar blerjen, MPB ka parashikuar të nënshkruaj kontratë në vlerë deri 9,880 euro.

Koutimi i çmimit është lloji i procedurës së përdorur me kriter për dhënie të kontratës, çmimi më i ulët.

Ndryshe, në javën e parë të muaji janar 2022, KALLXO.com raportoi se patentëshoferët kosovarë pritet të konvertohen në Gjermani.

Këtë e kishte bërë të ditur Ambasada e Kosovës në Gjermani përmes rrjetit social Facebook. Konvertimin e patentë- shoferëve nga Kosova parashihet të jetë pa provime shtesë.

Sipas njoftimit të Ambasadës kjo projekt-rregullore do të diskutohet në njërën nga mbledhjet e ardhshme të Bundestagut për të cilën ende nuk ka ndonjë datë publike.

Ky ndryshim i kësaj projekt- rregulloreje është kërkuar nga Ministria Federale e Komunikimeve Digjitale dhe e Transportit.

Aplikimi për patentë-shoferë ndërkombëtarë kishte filluar nga data 1 tetor 2020.