Moti të premten e të shtunën, reshje shiu e bore

Instituti Hidrometeorologjik i Kosovës ka njoftuar se në dy ditët e ardhshme në Kosovë do të mbajë mot i ndryshueshëm, i vranët dhe me intervale me diell.

Sipas njoftimit, vranësirat ditën e premte vende-vende do të shoqërohen me riga të dobëta shiu.

“Në veriperëndim të vendit priten edhe reshje bore ndërsa në viset malore parashihet të bie vetëm borë të intensitetit të dobët deri mesatar. Temperaturat minimale do të lëvizin ndërmjet -2 deri 2 gradë Celsius, ndërsa maksimalet e ditës parashihen të lëvizin ndërmjet 4-6 gradë Celsius. Do të fryjë erë nga veriu me shpejtësi 1-6m/s”, thuhet në njoftimin e Institutit.