Moti të premten e të shtunën, me diell e vranësira

Instituti Hidrometeorologjik i Kosovës ka njoftuar se në dy ditët e ardhshme në vendin tonë do të mbajë mot me diell dhe vranësira.

Vranësirat ditën e shtune parashihet të shoqërohen me reshje lokale shiu.

“Në mëngjes në ultësira ka mundësi të krijohet mjegulla dhe ngricat e dobëta. Temperaturat minimale parashihen të lëvizin ndërmjet -3 deri 1 gradë Celsius, ndërsa maksimalet e ditës parashihen të lëvizin ndërmjet 5-9 gradë Celsius. Do të fryjë erë nga drejtimi i juglindjes dhe veriperëndimit me shpejtësi 1-6 m/s”, ka njoftuar IHMK./21Media