Moti të hënën në Kosovë

Instituti Hidrometeorologjik i Kosovës ka njoftuar se të hënën pritet të mbajë mot me diell dhe vranësira të shpërndara.

Sipas IHMK-së, temperaturat minimale do të lëvizin ndërmjet -3 deri 0 gradë Celsius, ndërsa maksimalet e ditës parashihen të lëvizin ndërmjet 10-13 gradë Celsius.

“Do të fryjë erë nga drejtimi i verilindjes e lehtë deri mesatare”- thuhet në njoftim.

Ndërkaq gjatë pesë ditëve të ardhshme, sipas Institutit parashihet mot relativisht i qetë, ndërsa mëngjeseve parashihet të ketë brymë dhe mjegull të lehtë e të dendur në vende në caktuara.