Moti të enjten e të premten, i vranët dhe vende-vende me riga shiu e bore

Instituti Hidrometeorologjik i Kosovës ka bërë të ditur së në dy ditët e ardhshme të kësaj jave do të mbajë mot kryesisht i vranët dhe vende-vende me riga të dobëta shiu dhe bore.

Sipas IHK-së reshjet më të fokusuar parashihen në viset e larta.

Temperaturat minimale do të pësojnë ulje ndërsa ato maksimale do të mbesin konstante.

Temperaturat minimale do të lëvizin ndërmjet -2 deri -1 gradë Celsius, ndërsa maksimalet e ditës parashihen të lëvizin ndërmjet 3-5 gradë Celsius.

Po ashtu është bërë e ditur se gjatë dy ditëve në vazhdim do të fryjë erë e lehtë nga drejtimi i veriut dhe verilindjes.