ilustrim: Naser Fejza
Moti sot në Kosovë me diell e temperature të larta
13.9.2020 - 08:06
Instituti Hidrometeorologjik i Kosovës për sot parashikon mot me diell.
Temperaturat minimale do të lëvizin ndërmjet 13-15 gradë Celsius, ndërsa maksimalet e ditës parashihen të lëvizin ndërmjet 27-29 gradë Celsius.
“Do të fryjë erë nga verilindja e lehtë deri mesatare. Sa i përket reshjeve, në bazë të parashikimeve sinoptike nuk parashihet të kemi fare në gjysmën e parë të shtatorit, ndërsa gjysma e dytë e shtatorit, kryesisht dekada e tretë e muajit parasheh ndryshim të kushteve meteorologjike”, thotë Instituti.
Ka tendenca të ketë ulje të temperaturave në të dy vlerat ekstreme.