Moti për sot

Mot kryesisht i vranët dhe me riga lokale shiu pritet të mbajë të premten, më 20.09.2024, në Kosovë.

Kështu ka njoftuar Instituti Hidrometeorologjik i Kosovës, i cili ka thënë se temperaturat minimale do të lëvizin ndërmjet 7 deri në 12 gradë Celsius, ndërsa maksimalet e ditës parashihen të lëvizin ndërmjet 17 deri në 20 gradë Celsius.

“Do të fryjë erë nga drejtimi i veriperëndimt me shpejtësi 1-5m/s” – theksoi IHMK.

Po ashtu u njoftua se kushtet agrometeorologjike dhe biometeorologjike do të jenë të mira, duke pasur parasysh cilësinë e ajrit dhe përgatitjen e tokave për mbjelljen e kulturave vjeshtore.

Ndërsa, Besim Aliu, parashikues i motit në IHMK, ka njoftuar se fundjava parashihet me rritje të temperaturave në vlerat e maksimaleve dhe me rreze dielli.