Moti në pesë ditët e ardhshme, të mërkuren e të enjten reshje shiu e bore

Instituti Hidrometeorologjik i Kosovës ka bërë të ditur se java e tretë e muajit prill do të karakterizohet me mot të ndryshueshëm.

Sipas njoftimit, ditën e parë të javës do të ketë mot me diell dhe vranësira të shpërndara.

“Dita e martë do të vijoj me vranësira dhe mundësi për reshje shiu. Të mërkurën dhe të enjten parashihen kushte për reshje shiu ndërsa në viset malore do të ketë edhe reshje bore. Nga dita e premte parashihen ngritje të lehta të temperaturave maksimale”, thuhet në njoftimin e IHK.

Tutje është theksuar se temperaturat minimale do të lëvizin ndërmjet -2 deri 7 gradë Celsius, ndërsa maksimalet e ditës parashihen të lëvizin ndërmjet 4-18 gradë Celsius.

“Do të fryjë erë nga jugperëndimi dhe verilindja me shpejtësi 1-6m/s”, thuhet në fund.