Moti në Kosovë në javën e fundit të dhjetorit
26.12.2021 - 16:23
Instituti Hidrometeorologjik i Kosovës ka njoftuar se në javën e fundit të dhjetorit moti do të jetë i vranët dhe në disa intervale me diell.
Në viset e ulëta parashihen kohë pas kohe riga shiu ndërsa në viset e larta kodrinoro-malore parashihen reshje të dobëta bore.
Temperaturat minimale do të lëvizin ndërmjet 1-4 gradë Celsius, ndërsa maksimalet parashihen të lëvizin ndërmjet 7-11 gradë Celsius.
Era do të fryjë nga juglindja dhe veriperëndimi me shpejtësi 1-7m/s.