Foto: KALLXO.com
Moti këtë javë
29.8.2022 - 09:22
Sipas Institutit Hidrometeorologjik të Kosovës, në ditët e fundit të gushtit do të mbretërojë mot i paqëndrueshëm, me diell dhe vranësira të cilat herë-herë kanë mundësi të sjellin reshje shiu dhe shkarkime rrufesh.
“Ekziston rrezik që nëpër vende të kufizuara reshjet e shiut të shoqërohen me breshër”, thuhet në njoftim.
Temperaturat minimale do të lëvizin ndërmjet 13-17 gradë Celsius, ndërsa maksimalet e ditës parashihen të lëvizin ndërmjet 24-29 gradë Celsius.
“Do të fryjë erë nga drejtimi i verilindjes e lehtë dhe lokalisht e fortë”, vazhdon njoftimi.