Mot i vranët edhe në dy ditët e ardhshme

Instituti Hidrometeorologjik i Kosovë (IHMK) ka njoftuar se edhe gjatë dy ditëve të ardhshme do kemi mot kryesisht të vranët.

Derisa të enjten parashihen edhe intervale të shkurta me diell.

IHMK ka bërë të ditur se temperatura minimale do jetë 2 gradë Celsius, ndërsa ajo maksimale 12 gradë celsius.

“Do të mbajë mot kryesisht i vranët. Të enjten parashihen intervale të shkurta me diell. Temperaturat minimale do të lëvizin ndërmjet 2-3 gradë Celsius, ndërsa maksimalet e ditës parashihen të lëvizin ndërmjet 8-12 gradë Celsius. Do të fryjë erë e lehtë deri mesatare nga drejtimi i verilindjes dhe juglindjes”, thuhet në njoftimin e IHMK-së.